|
¡¡NON
ME TOQUES!!
O
colectivo de ensinantes areanegra solidarízase con
Sandra, a rapaza de Toques que foi víctima de abusos
sexuais por parte do alcalde da súa vila, Jesús Ares.
Desde
esta páxina queremos enviar a Sandra o noso total apoio,
e transmitir a toda a sociedade a repulsa da comunidade
educativa a calquera manifestación de violencia sexual e
a calquera declaración xustificadora de tales feitos.
Animamos
a todas as rapazas que sufran abusos sexuais a que os
denuncien inmediatamente, e que non permitan coaccións de
ninguén para calar e mirar cara outro lado. A dignidade
das persoas está por riba de calquera presión de tipo
político ou social.
Respecto
aos feitos:
Rexeitamos
contundentemente calquera tipo de violencia sexual,
especialmente a que sofren as mulleres e as/os menores, e
solicitamos a pena máxima para os culpables.
Denunciamos
a situación de apoio e privilexio que lle dan a Jesús
Ares os seus paisanos e superiores só polo feito de ser
alcalde e ter unha situación de poder. Calquera persoa
culpábel dun delicto criminal coma este debe ser
condenado e inhabilitado de calquera función pública,
independentemente da súa adscrición política.
Por tanto, esiximos a dimisión de Jesús Ares como
alcalde do concello de Toques.
Felicitamos
a Sandra por ter denunciado o acoso sexual ao que foi
sometida, e aplaudimos a súa valentía e dignidade.
Transmitímoslle dende os centros de ensino toda a nosa
solidariedade. ¡Ánimo! O profesorado e alumnado galegos
estamos contigo.
Respecto
ás declaracións insultantes dos nosos políticos:
As declaracións de Fraga sobre o alcalde de Toques
constitúen unha
clara apoloxía da violencia de xénero, unha gravísima ofensa para as
mulleres e
para toda persoa que defenda unha sociedade libre e democrática.
Non consentimos declaracións minimizadoras dun delicto de
abuso sexual, coa agravante de se tratar
dun delicto infrinxido a unha menor. Tampouco consentimos
a complicidade e o silencio.
Por tanto, esiximos aos políticos, se é que teñen un mínimo
de ética e respecto polas mulleres e pola sociedade en
xeral, que rectifiquen as súas declaracións, condenen
firmemente estes feitos, e impidan que Jesús Ares e os
seus edís continúen na alcaldía de Toques.
Así mesmo, esiximos a dimisión do Presidente Manuel
Fraga e a súa inmediata retirada da política, pois a
sociedade galega non pode consentir este tipo de insultos
á liberdade das persoas e
o amparo da violencia de xénero dende o cargo de presidencia da
Xunta.
areanegra
|
