Un once de algún mes,unha traxedia chegou aos nosos mares, un barco encallou e comezou a verter un líquido negro chamado fuel que encheu as praias de tristeza, a súa cor era tan horrorizante coma a morte, as praias xa non parecían eses fermosos lugares onde agora xa ninguén quería ir de excursión. Aquela catástrofe deixou a moita xente sen traballo; xent que non merecía que aquilo ocorrera: peixeiros, mariscadoras... e os e as que traballaban no mar tampouco podían saca-los seus barcos dos portos, xa que aquela enorme mancha enchía os mares que antes tan azuis estaban e que agora nin os peixes queren vivir neles.

Por culpa diso, moitas aves morreron , sobre todo as gaivotas, que aparecían nas beiras das praias.

O mellor foi ve-la cantidade de xente que se uniu para manter as nosas praias, para limpalas, xente de moitos lugares, e non só de Galicia ou España, senón de fora. ¿Como pode ser que esa xente viñese desde lonxe para axudarnos a limpa-las praias...?; ¡era incríbel ver a toda esa xente cos seus traxes brancos expostos ao cheiro do fuel, pero agora, despois dun ano, aínda queda fuel debaixo do mar e moitas persoas están preocupadas polo peixe.

Cada vez que alguén o compra está pensando...”¿estará bo?”; moita xente pensarao, pero agora o único que importa é que o mar quede outra vez coma antes e que non nos volva ocorrer algo como isto, outra traxedia destas sería o fin dos nosos mares.

ALMUDENA LAMORA CANCELO

3º ESO A.  IES PEDRA DA AUGA. PONTEAREAS (PONTEVEDRA)

PRESTIGE

Xa hai un ano que se afundiu o Prestige, deixou sen traballo a moita xente que vivía do mar, morreron moitos animais, como aves que ían buscar a comida ao mar.

O petróleo trouxo moitos problemas como a morte de moitos peixes, a limpeza que se fixo durante moitos meses e nunca acababa limpo, sempre estaba todo manchado de chapapote.

O problema que houbo co Prestige foi manifestado moitísimas veces, pero aínda así, pasado un ano, séguese manifestando que haxa tan poucas axudas e que aínda non se acabe o petróleo.

Tamén afectou  a moitas praias, por iso o turismo a Galicia diminuiu moito este verán.

Cando xa se puido pescar, o peixe subiu moito, por motivo de que había pouco e perdérase moito durante todo ese tempo.

MELANIA CEBREIRO BERNÁRDEZ

3º ESO A. IES PEDRA DA AUGA. PONTEAREAS (PONTEVEDRA)