Un xurado composto por profesores e profesoras de Area negra, e xente do mundo da cultura, elixirá entre tódolos textos enviados o que será lido na manifestación do 16 de novembro en Santiago de Compostela.

O texto será lido pola autora ou autor do mesmo. A lectura tamén a pode realizar un grupo de alumnos e alumnas.

Os gastos de desprazamento e dietas correrán a cargo de Area Negra, tanto para a alumna ou alumno, como para os titores acompañantes.

Instruccións para o envío:

- Cada centro enviará varios textos seleccionados, elixidos democraticamente polo profesorado e alumnado do centro. Enviade os vosos textos o antes posible, xa que o venres día 14 o xurado xa ten que ter a súa resolución, para que dea tempo a poñerse en contacto coa alumna ou alumno autor e a súa familia e organizar o acto de lectura na manifestación do día 16.

- Tamén podedes enviar o resto dos textos non seleccionados para publicalos nesta web. Isto non é tan urxente. Podédelo facer nas semanas posteriores á actividade.

- Os textos de educación secundaria teñen que estar en formato doc, e deben estar escritos en galego. Os textos de educación primaria poden enviarse escaneados en formato jpg, para que se vexa a letra e debuxos que fagan os/as autores.

- O nome do documento non debe levar espacios en branco, til, ñ, ou caracteres incompatibles. E debe especificar o nome do centro. Pódense substituír os espacios en branco por guión baixo ( _ ) e a letra ñ por nh.

Por exemplo: texto de 3ºA do IES Tatañá

ben:     iestatanha_3a.doc 

mal:     3ºA IES Tatañá.doc

- Na mensaxe na que se envíen os textos deben especificarse os seguintes datos:

- Nome do centro, Concello e Provincia.

- Persoa do centro,  teléfono de contacto e correo electrónico. (Esta persoa porase en contacto co alumno ou alumna e a súa familia no caso de que o texto sexa o seleccionado para ler na manifestación do día 16)

- Información sobre cales son os textos seleccionados.

- Nome da autora ou autor de cada texto.

- Os textos enviaranse como arquivos adxuntos ao correo de Area Negra correo@areanegra.net , indicando no asunto "textos 13N".

- Se son moitos os textos que nos ides enviar, é preferible facelo en varias mensaxes diferentes.

- - Gracias - -