|
INTERVENCIÓN
DA ESCRITORA E EDITORA ROSA REGÁS NUNHAS XORNADAS POLA DEFENSA DO ENSINO
LAICO
Rosa Regás
nunha intervención dunhas xornadas polo ensino público en León fixo
unha defensa férrea da educación laica, das ideas fronte aos dogmas. A
escritora barcelonesa enxalzou a tarefa do profesorado dos centros
públicos, avogou pola neutralidade do Estado en materia relixiosa e
criticou a falta de medios para o ensino público.
Afirmou que “fai falta compromiso colectivo e compromiso persoal, porque
paréceme xusta a reivindicación das plataformas pola educación laica”
Regás abriu a Constitución polo Título I para razoar unha
postura sobre o abismo actual no sistema educativo español, o laicismo
como suxeito esencial da historia dos pobos e a educación laica que ten
que procurar un estado laico. “Non estou en contra das relixións que
han de ser unha opción persoal e privada das persoas. Pero os impostos
que pagamos non é xusto que sexan para subvencións ao ensino relixioso;
nin a católica nin a outra. A laicidade do Estado é total e absoluta”.
Rosa Regás, que informou da súa educación en colexios
relixiosos, percorreu as principais diferencias que distancian a
educación laica e a confesional; ou sexa, dúas: as ideas e as crenzas.
“A relixión baséase en dogmas e aos nenos e nenas non se lle deben
impoñer dogmas como que o mundo o fixo Deus en sete días; non todos os
relixiosos son fundamentalistas, pero todos vense no dereito de impoñer a
súa relixión a outros” Regás ligou un exemplo á afirmación: unha
monxa que obrigou a unha nena musulmana a retirar o veo. “E quen é unha
monxa que leva veo para dicirlle a unha nena doutro credo que non o
leve?” A editora catalana aludiu ao beneficio esencial da formación laica que define “ non como un capricho, senón como un dereito gañado” na xeración de criterio. “Non debemos aceptar nada sen pasalo polo entendemento”. E a dous interrogantes: “Por que estamos convencidos de que vale máis o que se paga que o que non? Por que levamos aos nosos a unha educación cuxos patróns non se arrepentiron nin da Inquisición, nin dos seus corenta anos de nacional catolicismo?”. Regás louvou a tarefa do profesorado de centros públicos “que traballan sen os medios que destina o Estado ao ensino relixioso”. |
|
- - coordenadora de ensino areanegra - - |
