|
Manifesto da CEAPA pola defensa dun ensino laico As
entidades que firmamos esta declaración cremos que a nova Ley Orgánica de Calidad de la
Educación (LOCE) supón un retroceso para o noso Sistema Educativo. O
incremento dos concertos co ensino privado e unha maior segregación
escolar profundizarán a desigualdade social e o deterioro da escola pública. A
LOCE atenta, entre outros, contra principios tales como a igualdade de
oportunidades,a participación e o control social da educación. Actúa en
contra do libre pensamento e da liberdade de conciencia. Ademais de que
pon en grave perigo os avances cara á
coeducación. En
efecto, unha das medidas que contempla a LOCE, pregándose aos ansiados
anhelos da Conferencia Episcopal, é estender a doutrina e ensino
relixiosos a todo o alumnado a través das dúas opcións (tanto a
confesional, como a non confesional)
Queremos
que a relixión saia da escola pública:
As crenzas relixiosas
forman parte do ámbito do privado e,
polo tanto, o ensino das relixións deben de quedar á marxe do ensino
obrigatorio e fóra do currículo escolar. A escola, hoxe máis ca nunca,
debe ser un espazo público, onde o adoutrinamento relixioso ou ideolóxico
quede fóra das súas portas. Por
iso, avogamos por un modelo de
Escola Laica, que eduque sen dogmas, en valores humanistas e
universais, na pluralidade e no respecto aos dereitos humanos, na asunción
da diferencia e da diversidade e nos valores éticos, non sexistas e
democráticos. Queremos unha escuela
onde se sintan cómodos, tanto non crentes, como crentes das
diversas relixóns ou crenzas. Diversas
organizacións temos interpostos recursos perante
os tribunais, co fin último de conseguir a declaración de inconstitucionalidade
e a suspensión da obrigación de estudar e avaliar a relixión. Ademais,
temos iniciada unha campaña a favor dunha escola laica. A
sociedade demanda unha secularización máis intensa da vida pública e
non voltar ao Estado confesional católico,
nin propiciar a aparición doutros fundamentalismos relixiosos. Os
poderes públicos non poden seguir parapetándose nuns Acordos pactados co
Vaticano, antes de aprobarse a Constitución, coa intención de anular a
liberdade de conciencia de cidadáns e cidadás. Esiximos
a derogación dos Acordos co Vaticano Esiximos
que a religión saia fóra do currículo escolar, xa que as crenzas
relixiosas e non relixiosas forman parte do ámbito do privado Esiximos que con cartos públicos non se pague o adoutrinamento relixioso
SI a un ensino científico e humanístico, que propicie unha educación para a interculturalidade, que defenda a liberdade de pensamento e de conciencia e que eduque en valores democráticos e na tolerancia
fonte: CEAPA. Podes asinar este manifesto na súa web www.ceapa.es |
|
- - coordenadora de ensino areanegra - - |