UN INQUÉRITO SOBRE A LIBERDADE

Esta actividade proposta para as AULAS NA RUA pretende que o alumnado interaccione coa sua veciñanza na procura da opinión pública sobre tres temas: a crise do Prestige, a Guerra de Iraque e a Liberdade de Expresión.

O emprego dun inquérito sinxelo procura a participación da mocidade na observación e análise da realidade social. Elaboraron-se várias cuestións, que poden ser ampliábeis polo próprio alumnado, co obxectivode que as entrevistas poidan ser rápidas e dinámicas. A análise posterior dos datos recollidos asi como a exposición pública no centro dos resultados poderia rematar a experiéncia.

OBXECTIVOS

1. Estabelecer un diálogo aberto coa sociedade a través de interaccións directas coa cidadania.

2. Aproximar-nos á vivéncia da pluralidade e á diversidade de opinións da nosa sociedade, testemuñando e contrastando as múltiples posicións da cidadania diante da actual conxuntura socio-política.

3. Empregar o método do inquérito como exemplo do funcionamento de procesos de sondaxes de opinión a respeito da elaboración, a entrevista, a análise dos resultados e a repercusión da información elaborada.

O INQUÉRITO

IDADE DO/A ENTREVISTADO/A:

SEXO:

NUNCA MÁIS

1. Considera positivo a aparición e actividades da Plataforma Cidadá Nunca Máis a respeito da crise do Prestige?

2. Considera que a xestión do goberno galego foi/é adecuada a respeito da crise do Prestige?

3. A elaborar polo alumnado.

NON Á GUERRA

1. Como valora a participación do estado español na guerra de Iraque?

• moi mal

• mal

• regular

• ben

• moi ben

2. Como valora aos Estados Unidos a respeito da sua política na guerra de Iraque?

• moi mal

• mal

• regular

• ben

• moi ben

3. Cal considera que foi a razón principal da intervención bélica en Iraque?

• 1. Razóns económicas (explotación de petróleo, reconstrucción do país...)

• 2. Razóns de seguridade internacional (perigo de armas de destrucción masiva, terrorismo...)

• 3. Razóns de índole etico-política (derrocar un rexime dictatorial)

• 4. Outras razóns

LIBERDADE DE EXPRESIÓN

1. Considera que o ensino debe tratar temas de actualidade social com a marea negra, Nunca Máis ou a Guerra?

• SI

• NON

2.Considera que os medios de counicación públicos informan obxectivamente ou responden a intereses políticos do goberno?

• SI

• NON